An gatas (Ingles: milk) (midbid man sa dae-permentadong porma bilang mahamis na gatas) iyo sarong masustansyang likidong pagkakan na namomokna kan mamaryong glandula nin mga mammal. Ini an pangenot na gunuan nin nutrisyon kan mga aking mammal, kabali na an mga umboy na tawo bago sinda magtulon nin mga solidong pagkakan. An mga enot na laktasyong gatas iyo inaapod na colostrum, na igwa nin mga antibodies na nagpapakusog sa sistemang immuno asin nagpapababa sa peligro nin nagkapirang mga kahelangan. May mga iba pa ining mga nutriyente, arug kan protina asin laktosa. An mga inter-espesye na pagkonsumo nin gatas iyo bakong bihira, partikular sa mga tawo, an iba iyo nagkokonsumo nin gatas kan ibang mga mammal. Bilang sarong agrikultural na produkto, nakokolekta ang gatas hale sa mga hayop. An mga dairy farms iyo nakakamokna nin harus 730 milyong tonelada (800 milyong halipot na tonelada) nin gatas kan 2011, hale sa 260 na milyong atamang. An India iyo an may pinakadakulang namomoknang gatas sa kinaban, asin an nangengenot na nag-eeksport nin skimmed milk na pulbura, alagad nag-eeksport man nin nagkapira pang mga gatas na produkto. An pasakat na domestikong...