Ti maysa nga unibersidad (Latin: universitas, 'maysa a sibubukel') ket ti maysa a patakder iti nangatngato (wenno maikatlo nga agpang) nga edukasion ken pagsukisokan, a manggunguna kadagiti grado ti akademiko kadagiti nadumaduma a disiplina ti akademiko. Kadawyan a nagited dagiti unibersidad iti undergraduate ken postgraduate nga edukasion. Naala ti balikas nga unibersidad manipud iti Latin ti universitas magistrorum et scholarium, nga agarup a ti kayatna a sawen ket "komunidad dagiti manursuro ken dagiti eskolar". Ti moderno a sistema ti unibersidad ket addaan kadagiti ramut iti Europeano a mediebal nga unibersidad, a napartuat idi idiay Italia a nagtaud manipud kadagiti katedral nga eskuela para iti klero iti las-ud ti Nangato a Tengnga a Panpanawen. Pakasaritaan Panangipalawag Ti kasisigud a balikas iti Latin ti universitas ket sapasap a mangibaga iti "maysa a bilang dagiti tao a mainaig iti maysa a bagi, maysa a kagimongan, kompania, komunidad, timpuyog, korporasion, kdpy". Iti panawen ti irurumsua ti biag iti urbano nga...