Le methodo scientific es le studio systematic, controlate, empiric e critic de propositiones hypothetic super allegate relationes inter differente phenomenos natural e es le mechanismo empleate in le scientias experimental pro validar o invalidar un theoria, per medio del experimentation o del observation. Il ha duo pilares basic del methodo scientific. Le prime de illos es le reproducibilitate, in altere parolas, le capacitate de repeter un determinate experimento in qualcunque loco e per qualcunque persona. Iste pilar emplea pro su practica, essentialmente, le communication e le publicitate del resultatos obtenite. Le secunde pilar es le falsificabilitate (refutabilitate). In altere parolas, que cata proposition scientific debe haber le possibilitate de esser falsificate (refutato). Isto implica que on pote designar experimentos que in le caso de dar resultatos differente al predicite negarea le hypothese que on verifica. In le actualitate le resultatos del recerca scientific es publicate in revistas scientific specialisate post criticas o commentarios de altere expertos, correctiones ab le autores e etiam verification del experimentos per altere...